«Ապագա» հիմնադրամը սեփական միջոցներով պատրաստել է փաթեթներ 200 անձի համար և առաքել ծայրահեղ կարիքի մեջ գտնվող բոլոր հասցեատերերին։ Մենք ուրախ ենք, որ առաջիկա 14 օրերի ընթացքում այս մարդիկ չեն ունենա ոչ սննդի, ոչ էլ հիգիենայի պարագաների կարիք։
"Խելացի գյուղատնտեսություն"ծրագրի հիմնական նպատակն է գյուղատնտեսության մեջ նոր մոտեցումների և լուծումների միջոցով կերտել տարբեր տնտեսությունների մոդելներ, ուսուցանել այդ մոդելները սոցիալապես անապահով ընտանիքներին և ֆինանսավորել այդ ընտանիքների կողմից դրանց գործարկումն ու փոքրիկ տնտեսությունների հիմնադրումը։
"Ներդնում ենք այսօր, շահում ենք ապագայում" ծրագրով նախատեսվում է փորձարկել զարգացման առանձնահատկություններ ունեցող երեխաների և նրանց ընտանքիների ուժեղացման մի մոդել, որի ստեղծման նպատակով հիմնադրամը համագործակցում է Մանկական զարգացան հիմնադրամի, Աշխատանքի և սոցիալական հարցերի նախարարության և «Երեմյան Փրոջեքթս» ընկերության հետ: Այս ծրագիրը և համագործակցության այս ձևաչափը հնարավորություն է ընձեռում արդյունավետ կերպով լուծել առաջացած խնդիրները, առողջացնել և ուժեղացնել ընտանիքը՝ օգնելով նրանց կառուցել բարեկեցիկ ապագա:
Հիմնադրելով «Ապագա»-ն՝ Էդուարդ Մարությանը և Արայիկ Կարապետյանը ձեռնամուխ եղան աջակցել կյանքի դժվարին իրավիճակում հայտնված ընտանիքներին, հաշմանդամություն ունեցող երեխաներին և զինհաշմանդամներին:
Հիմնադրամի ստեղծմամբ նրանք որդեգրեցին այնպիսի ռազմավարություն, որի շրջանակում իրականացված ծրագրերը ոչ միայն կփոխեն հարյուրավոր մարդկանց ճակատագրեր, այլ նաև կնպաստեն Հայաստանում սոցիալ-տնտեսական ոլորտի կայուն զարգացմանն ու առողջ հասարակության կերտմանը:
Հիմնադրամը տրամադրում է ոչ միայն մեկանգամյա օգնություն, այլ նաև իրականացնում է առկա խնդիրների բազմակողմանի ուսումնասիրություն և համապատասխան աջակցության ցուցաբերում: Շեշտը դրվում է հեռանկարային և երկարաժամկետ լուծումների վրա` նպատակ ունենալով կերտել այնպիսի հասարակություն, որտեղ պաշտպանված կլինեն դժվար իրավիճակում հայտնված երեխաների հիմնարար իրավունքները:
Մեր գործողություններն ուղղված են անհատի ու ընտանիքի կյանքի փուլերում առկա խնդիրների քայլ առ քայլ վերացմանը, որի արդյունքում կունենանք սեփական կենցաղը կազմակերպող առողջ հոգեբանությամբ հասարակություն:
