"Ներդնում ենք այսօր, շահում ենք ապագայում" ծրագրով նախատեսվում է փորձարկել զարգացման առանձնահատկություններ ունեցող երեխաների և նրանց ընտանքիների ուժեղացման մի մոդել, որի ստեղծման նպատակով հիմնադրամը համագործակցում է Մանկական զարգացան հիմնադրամի, Աշխատանքի և սոցիալական հարցերի նախարարության և «Երեմյան Փրոջեքթս» ընկերության հետ: Այս ծրագիրը և համագործակցության այս ձևաչափը հնարավորություն է ընձեռում արդյունավետ կերպով լուծել առաջացած խնդիրները, առողջացնել և ուժեղացնել ընտանիքը՝ օգնելով նրանց կառուցել բարեկեցիկ ապագա:
Կարևորելով մասնագիտական ծառայութնունների ճիշտ մատուցումը և երեխայի խնամքի ճիշտ կազմակերպումը, Ապագա հիմնադրամը համագործակցում է Մանկական Զարգացման հիմնադրամի հետ, ովքեր, հանդիսանալով ծրագրի գործընկեր ոչ միայն զբաղվում են հաշմանդամություն ունեցող երեխաների խնամքի ճիշտ կազմակերպմամբ և մասնագիտական ծառայությունների մատուցմամբ, այլ նաև առանձնակի ուշադրություն են հատկացնում արդյունավետ և հասցեական սոցիալական աշխատանքին, որն է՝ ընտանիքի կարիքների գնահատում, բազմակողմանի զարգացման պլանի մշակում և իրականացում:
Ծրագրի շահառուների ընտրությունը հիմնված է ընտանիքների սոցիալական վիճակի և զարգացման խնդիրներ ունեցող երեխայի մոր՝ աշխատելու ցանկության ու պատրաստակամության գնահատականի վրա: Առանձնակի ուշադրություն է հատկացվում արդյունավետ և հասցեական սոցիալական աշխատանքին, որն է՝ ընտանիքի կարիքների գնահատումը, բազմակողմանի զարգացման պլանի մշակումը և իրականացումը:
Ծրագիրը իրականություն դարձնելու հարցում առանցքային դեր է խաղացել նաև «Երեմյան Փրոջեքթս» ընկերության գլխավոր տնօրեն Դավիթ Երեմյանը, քանի որ նրա և ընկերության աշխատակիցների ջանքերի շնորհիվ հնարավոր դարձավ ծրագրում ընդգրկված մայրիկներն ապահովել կայուն աշխատանքով «Երեմյան Փրոջեքթս»-ին պատկանող արտադրամսում:
