"Խելացի գյուղատնտեսություն"ծրագրի հիմնական նպատակն է գյուղատնտեսության մեջ նոր մոտեցումների և լուծումների միջոցով կերտել տարբեր տնտեսությունների մոդելներ, ուսուցանել այդ մոդելները սոցիալապես անապահով ընտանիքներին և ֆինանսավորել այդ ընտանիքների կողմից դրանց գործարկումն ու փոքրիկ տնտեսությունների հիմնադրումը։
Ներկայումս ծրագիրն ունի երեք հիմնական ուղղություն՝ ցածր որակի հողի արդյունավետ կիրառում, ցածրաբյուջե ջերմոցներ և ճագարաբուծություն:
Ծրագրի շրջանակում թիրախավորված առաջին ուղղությունը՝ ջերմոցային տնտեսությունը, իր հերթին, բաղկացած է երկու մոդելից: Առաջինը ջերմոցային տնտեսության հեղափոխական մոդելն է, որին անդրադարձ կկատարվի իր տեղում:
Ծրագրի բաղադրիչ երկրորդ նախագծի շրջանակում փորձ է կատարվում կերտել մի օրինակելի մոդել, որի կիրառմամբ նույնիսկ ցածր որակի հողատարածքում հնարավոր կլինի ցանել ժամանակակից բանջարանաբոստանային կուլտուրաներ և հիմնել շահութաբեր տնտեսություն:
Ճագարաբուծությունն այս ծրագրի երրորդ ուղղություն է։ Անհրաժեշտ գիտելիքների և հմտությունների տիրապետման դեպքում այն կարող է սոցիալապես անապահով ընտանիքներին կարճ ժամանակահատվածում ապահովել շահույթով՝ չպահանջելով ամբողջօրյա աշխատանք ու ժամանակ և չմիջամտելով այդ ընտանիքների կողմից իրենց այլատեսակ տնտեսությունների վարմանը: Այս նախագծի շրջանակում ընտրված սոցիալապես անապահով ընտանիքներին հնարավորություն է տրվում հիմնել իրենց փոքրիկ տնտեսությունը՝ նրանց տրամադրվում է ճագարաբուծության վերաբերյալ խորհրդատվություն, անցկացվում է հիմնավոր ուսուցում, կազմակերպվում, ֆինանսավորվում և վերահսկվում են ճագարների բների կառուցումը և տրամադրվում է անհրաժեշտ ցանկացած լրացուցիչ աջակցություն:
Հիմնադրամը իր գործընկերների հետ համատեղ ծրագրի շահառուներին օգնում է ամբողջապես սպառել աստացված ապրանքը:
Ծրագրի արդյունքում մշակված և հաջողությամբ փորձարկված այս մոդելները հետագայում կկիրառվեն առավել մեծ թվով թիրախային ընտանիքների և անհատների համար՝ նպաստելով նրանց ֆինանսապես կայուն և արժանապատիվ կյանքի կառուցմանը՝ իրե՛նց հայրենիքում, իրե՛նց տանը:
